ក្រុមបាល់ទាត់យុវជនសាលាតំរង់ទិសអាយុក្រោម ១៧ឆ្នាំ ខេត្តក្រចេះ បានឡើងវគ្គ ៤ក្រុម ចុងក្រោយក្នុងពានរង្វាន់អាយុក្រោម១៧ឆ្នាំ។ ៣ក្រុមផ្សេងទៀតដែលឡើងមកដល់វគ្គនេះ រួមមានឧត្តរមានជ័យ កណ្តាល និងកំពង់ឆ្នាំង។ ក្រចេះជាក្រុមលេខ១ ក្នុងវគ្គជម្រុះតំបន់ឦសាន និងបន្តឈរលេខ១ ក្នុងវគ្គចែកពូលលើកទី២ មុនពេលយកឈ្នះសៀមរាប ដោយបាល់កាត់ក្តី១១ម៉ែត្រនៅវគ្គ៨ក្រុមចុងក្រោយ។
សម្រាប់ខេត្តកណ្តាលបានយកឈ្នះក្រុមខ្លាំងស្វាយរៀងក្នុងលទ្ធផលមិនគួរជឿ ៥ទល់០ ។
ការប្រកួតនឹងប្រព្រឹត្តទៅនាថ្ងៃទី២៤ មីនា ឆ្នាំ២០១៩ វេលាម៉ោង ៩កន្លះ នៅមជ្ឈមណ្ឌលបាល់ទាត់ទន្លេបាទី ។ ចំណែកឧត្តរមានជ័យ ដែលត្រូវជួបជាមួយកំពង់ឆ្នាំងក៍នឹងប្រកួតនៅទីតាំងនិងពេលវេលាដូចគ្នា។
