មកដឹងមូលហេតុនាំឲ្យរតនគីរីឡើងដល់វគ្គពាក់កណ្តាលផ្តាច់ព្រ័ត្រ Hun Sen Cup

ជាលើកដំបូងក្នុងកំណត់ត្រាលើកទី១របស់ខេត្តរតនគីរីដែលឆ្លងផុតការជម្រុះក្នុងតំបន់​និងបន្តជ័យជំនះរហូតឈានដល់វគ្គពាក់កណ្តាលផ្តាច់ព្រ័ត្រកំរិតខេត្តក្នុងពាន Hun Sen Cup។ តើកត្តាអ្វីដែលជំរុញឲ្យខេត្តរតនគីរីជោគជ័យខ្លាំងក្នុងព្រឹត្តការណ៍នេះ?

រូបភាព CNCC

១.ការរៀបចំពានរង្វាន់នានាក្នុងខេត្ត

រតនគីរីមានការរៀបចំពានរង្វាន់ជាច្រើនក្នុងខេត្តទាំងលើទីលានសិប្បនិមិ្មតខ្នាតតូច កណ្តាលរបស់សាលាឯកជន ពានរង្វាន់វ័យចំណាស់ ពានមហាជនអបអរភ្ជុំបិណ្ឌ និង ពានសសយកអបអរចូលឆ្នាំខ្មែរ។ ការរៀបចំពានធ្វើឲ្យចលនាបាល់ទាត់មហាជនមាន ការផុសផុលខ្លាំងងាយស្រួលក្នុងការចំរាញ់រកកីឡាករល្អៗសម្រាប់ខេត្ត។

ការប្រកួតពានរង្វាន់សសយកអបអរចូលឆ្នាំខ្មែរ​ ( រូបភាពៈផ្តល់ឲ្យ)

៣.ការប្រមូលផ្តុំកីឡាករ

ក្នុងឆ្នាំ២០១៩នេះ រតនគីរីបានត្រៀមខ្លួនយ៉ាងល្អក្នុងការប្រមូលផ្តុំកីឡាករពីតាមស្រុក និងក្រុមនានាក្នុងខេត្ត។ កីឡាកររតនគីរីឆ្លងកាត់ការប្រកួតច្រើនទាំងក្នុងនិងក្រៅខេត្តដែលធ្វើឲ្យកីឡាករទទួលបានបទពិសោធន៍និងមានគុណភាពល្អផងដែរ។ ជាក់ស្តែងក្នុងពានរង្វាន់ស្រាបៀរ Ganberg ក្រុមបាល់ទាត់ T4 FC រតនគីរីបានក្លាយជាជើងឯក តំណាងតំបន់ឦសានចូលរួមប្រកួតនៅភ្នំពេញ។

២.ការលើកទឹកចិត្តរបស់ថ្នាក់ដឹកនាំខេត្ត

មួយរយះចុងក្រោយនេះថ្នាក់ដឹកនាំវិស័យកីឡា និង ថ្នាក់ដឹកនាំខេត្ត ដែលជាក្បាលម៉ាស៊ីនដ៍សំខាន់បានយកចិត្តទុកដាក់ក្នុងការជំរុញ និងគាំទ្រដល់ការរៀបចំពានរង្វាន់បាល់ទាត់នានាក្នុងខេត្ត។ ជាពិសេសក្នុងពានសម្តេចហ៊ុនសែននេះ មុនការប្រកួតមិនថាក្នុងដីរឺក្រៅដី ថ្នាក់ដឹកនាំខេត្តដែលមានឯកឧត្តមអភិបាលខេត្តបានជួបសំណេះសំណាលផ្ទាល់ជាមួយកីឡាករ និងឧបត្ថម្ភថវិកាជូនក្រុមជម្រើសខេត្តដើម្បីលើកទឹកចិត្តបន្ថែម។

ឯកឧត្តមអភិបាលខេត្តសំណេះសំណាលជាមួយកីឡាករមុនទៅប្រកួតនៅត្បូងឃ្មុំ

៤.ការរៀបចំ និង អ្នកគាំទ្រ

ជារឿងភ្ញាក់ផ្អើលដែលខេត្តតំបន់ឦសាននេះ បំបែកកំណត់ត្រាអ្នកទស្សនាច្រើនជាងគេ​ក្នុងពាន Hun Sen Cup។ អ្នកគាំទ្រចំនួន ១០៤២ បានចូលរួមគាំទ្រពេលរតនគីរីធ្វើម្ចាស់ផ្ទះទល់តាកែវ។ ការចូលរួមដ៍ច្រើនជាកំលាំងចិត្តបន្ថែមដល់កីឡាករ។ សម្រាប់ការប្រកួត ក្រៅទឹកដីទល់ខេត្តកំពង់ធំ ក៍មានអ្នកគាំទ្រទៅផ្តល់កំលាំងចិត្តថែមទៀតផងដែរ។ ជាពិសេសមានការធ្វើអាវលក់ជូនអ្នកគាំទ្រក្នុងតម្លៃទាប។

រូបភាពអ្នកគាំទ្ររតនគីរី ទៅគាំទ្រនៅកំពង់ធំ
រូបភាព CNCC

តើមានហេតុផលផ្សេងទៀតទេ សូមចូលរួមយោបល់បន្ថែម?

សូមទស្សនាកម្មវិធីចលនាបំផុស Fan

Share this post

Share on facebook
Facebook
Share on google
Google+
Share on whatsapp
WhatsApp
Share on telegram
Telegram
Kratie FC

Kratie FC

ជាក្រុមបាល់ទាត់មិនមែនអាជីពមួយក្នុងខេត្តក្រចេះដែលបង្កេីតឡេីង ក្រោមការបំផុសចលនាកីឡាពីមន្ទីរអប់រំយុវជន និងកីឡា ដោយលើកទឹកចិត្តដល់អ្នកស្រលាញ់បាល់ទាត់ទាំងយុវជន និងវ័យចំណាស់បានចូលរួមលេងកីឡាបាល់ទាត់។

Leave a Replay

អត្តបទដែលទាក់ទង

Follow Us

Featured Video