ស្ងាត់ៗវ័យចំណាស់កំពង់ចាមណាត់ក្រចេះប្រកួត

ក្រុមបាល់ទាត់ស្មារតីវ័យចំណាស់ខេត្តកំពង់ចាមនឹងបើកទ្វារទទួលភ្ញៀវវ័យចំណាស់ខេត្តក្រចេះដើម្បីប្រកួតមិត្តភាពនៅថ្ងៃសៅរ៍ ទី ៧ ខែកញ្ញា ឆ្នាំ២០១៩ ខាងមុខនៅ ទីលានបាល់ទាត់បឹងស្នាយ​ ខេត្តកំពង់ចាម (ជើងទី១) ។ នេះជាលើកទី១ ដែលក្រុមទាំងពីរបានណាត់គ្នាប្រកួតដើម្បីរឹតចំណង មិត្តភាព និងសាមគ្គីភាពរវាងខេត្តជិតខាងដ៍សិ្នទ្ធស្នាលផ្នែកកីឡាបាល់ទាត់នេះ។

ក្រុមបាល់ទាត់ស្មារតីវ័យចំណាស់ខេត្តកំពង់ចាម
លោក ឡឹក រស្មី

លោក ឡឹក រស្មី តំណាងឲ្យក្រុមវ័យចំណាស់កំពង់ចាមលើកឡើងថា៖ ជំនួបមិត្តភាពជាមួយក្រចេះ នេះជាជំនួបលើកទី២របស់ក្រុម (ជំនួបទី១ជាមួយក្រុមបាល់ទាត់ស្ទឹង FC ខេត្តត្បូងឃ្មុំ) បន្ទាប់ពីយើងបានរៀបចំពង្រឹងក្រុមសារជាថ្មី។ គោលបំណងសំខាន់គឺចង់ រឹតចំណងមិត្តភាពរវាងបាល់ទាត់ខេត្តទាំងពីរ ក៍ដូចជាបង្កើតឱកាសជួបជុំមិត្តភក្តិចាស់ បងៗអ្នកកំពង់ចាមដែលរស់នៅខេត្តក្រចេះ។ មួយវិញទៀត ការប្រកួតនេះក៍រួមចំណែកក្នុងការបំផុសវិស័យបាល់ទាត់ក្នុងខេត្ត ដែលកំពុងតែចាប់ផ្តើមរើបឡើងវិញក្រោយមានក្លឹបចូលរួមក្នុងលីកកំពូល។

សកម្មភាពប្រកួតវ័យចំណាស់ខេត្តកំពង់ចាមទល់នឹងក្រុមស្ទឹង FC

គួរបញ្ជាក់ផងដែរថា កន្លងមកវ័យចំណាស់ខេត្តក្រចេះធ្លាប់ធ្លាប់មកប្រកួតមិត្តភាពជាមួយវ័យចំណាស់ភូមិរការខេត្តកំពង់ចាមម្តងរួចមកហើយ។ ហើយក៍មានការផ្លាស់ប្តូរទៅ លេងនៅខេត្តក្រចេះវិញផងដែរ។

សកម្មភាពប្រកួតវ័យចំណាស់ក្រចេះកន្លងមក


គោលដៅរបស់វ័យចំណាស់ទាំងពីរគឺបង្ហាញគំរូល្អដល់យុវជនក្នុងការចូលរួមលេងកីឡា ជៀសឆ្ងាយពីអំពើអបាយមុខនានា ពិសេសគ្រឿងញៀន។

ក្រុមបាល់ទាត់វ័យចំណាស់កំពង់ចាម ស្វាគមន៍ជានិច្ច រាល់ការណាត់ប្រកួតមិត្តភាព ជាមួយក្រុមខេត្តជិតខាង រឺក្រុមវ័យចំណាស់នានាមកពីរាជធានីភ្នំពេញផងដែរ។

រូបថត វ័យចំណាស់កំពង់ចាម និងក្រុមបាល់ទាត់ស្ទឹង FC ខេត្តត្បូងឃ្មុំ

កុំភ្លេចទៅគាំទ្រផង!នៅទីលានសិប្បនិម្មិតបឹងស្នាយ ថ្ងៃសៅរ៍ទី ៧ ខែកញ្ញា ឆ្នាំ២០១៩ វេលាម៉ោង ៣ រសៀល។

Share this post

Share on facebook
Facebook
Share on google
Google+
Share on whatsapp
WhatsApp
Share on telegram
Telegram
Kratie FC

Kratie FC

ជាក្រុមបាល់ទាត់មិនមែនអាជីពមួយក្នុងខេត្តក្រចេះដែលបង្កេីតឡេីង ក្រោមការបំផុសចលនាកីឡាពីមន្ទីរអប់រំយុវជន និងកីឡា ដោយលើកទឹកចិត្តដល់អ្នកស្រលាញ់បាល់ទាត់ទាំងយុវជន និងវ័យចំណាស់បានចូលរួមលេងកីឡាបាល់ទាត់។

Leave a Replay

អត្តបទដែលទាក់ទង

Follow Us

Featured Video