ការប្រកួតបាល់ទះពានក្រៅផ្លូវការមួយនៅរាជធានីភ្នំពេញ ដែលរៀបចំដោយម្ចាស់ទីលានបាល់ទះបងវុធ ព្រែកជ្រៃ ចាប់ពីថ្ងៃទី ២៥ ដល់ ២៧ វិច្ឆិកា ២០២០ ដែលមានក្រុមក្រៅផ្លូវការចំនួន១៥ ក្រុមតំណាងឲ្យ១៥ ខេត្តចូលរួមក្នុងការប្រកួតនេះ។
ក្រុមបាល់ទះខេត្តក្រចេះ ត្រូវជួបជាមួយខេត្តកណ្តាលដែលជាក្រុមមួយមានកីឡាករ មកចេញពីក្លឹបក្រសួងមហាផ្ទៃដែលសុទ្ធតែកីឡាករជួរមុខនៅកម្ពុជា ជាពិសេសត្រូវតតាំងជាមួយស្មាត់អធិរាជប្តូរចង្កេះលើអាកាស សុវណ្ណនាថ និងស្មាត់វ័យក្មេងកំពុងឡើងកូដ ម៉េងហួរ ទៀត។
ក្រុមខេត្តក្រចេះកីឡាករទាំងអស់លេងនៅតែក្នុងខេត្ត ធ្លាប់មានបទពិសោធន៍លេងកំរិតបាល់ទះសិស្សមធ្យមសិក្សាតែប៉ុណ្ណោះ។ ហើយកីឡាករដែលលេចធ្លោជាងគេគឺស្មាត់ឆ្វេង ហ៊ី ។
ក្រចេះ ស្ទឹងត្រែង និងមណ្ឌលគីរី ជាខេត្តទៅពីតំបន់ឦសាន។ តោះចាំតាមដានទាំងអស់គ្នាតាមផេក I love volleyball ពីការប្រកួតថ្ងៃនេះរបស់ខេត្តទាំង៣។
