ក្រោយចាញ់ កុសម:អតីតកីឡាករ ខូវប៊ុនស៊ុនមានផែនការមួយសម្រាប់ឆ្នាំក្រោយ

ការប្រកួតជម្រើសវិទ្យាល័យតំណាងក្រុងក្រចេះ គឺជាជំនួបដ៍ក្តៅគគុក និង ជាទីចាប់អារម្មណ៍ក្នុងក្របខ័ណ្ឌបាល់ទាត់សិស្សវិទ្យាល័យក្នុងខេត្តក្រចេះ ដែលក្នុងភាសាបាល់ទាត់ហៅ Derby Match (ជំនួបក្រុមខ្លាំងក្នុងទឹកដីតែមួយ)។ ជាង១០ឆ្នាំមកហើយដែលអតីតវិទ្យាល័យក្រចេះក្រុង មិនទាន់រកកំណត់ត្រាថ្មីសម្រាប់ខ្លួន ខណះឆ្នាំនេះ កុសមៈបន្តឈ្នះក្នុងលទ្ធផល ២ទល់០។

ក្រោយបរាជ័យឆ្នាំនេះ អតីតកីឡាករដ៍ល្អ១រូបរបស់ វិទ្យាល័យខូវប៊ុនស៊ុន បានផុសក្នុងហ្វេសបុកខ្លួន ចង់ប្រមូលអតីតកីឡាកររួមសមរភូមិវាលស្មៅ រួមគ្នាពង្រឹងសិស្សប្អូន ដើម្បីកែប្រែប្រវត្តិសាស្រ្ត។ មានកីឡាករមួយចំនួនយល់ស្រប និងមានមហិច្ឆិតាក្នុងការ ជ្រោមជ្រែងផែនការនេះផងដែរ។

តើនឹងមានអ្វីប្រែប្រួល បើអតីតកីឡាករវិទ្យាល័យក្នុងទឹកដីសង្កាត់ អូរឬស្សីសហការជួយកីឡាករជំនាន់ក្រោយ?

តើនឹងមានការគាំទ្រ និងរួមគ្នាខ្លាំងប៉ុណ្ណាពីសំណាក់ សិស្ស គ្រូ និងសហគមន៍មូលដ្ឋានរបស់ពួកគាត់?

តើបាល់ទាត់បុរសអាចធ្វើបានល្អដូចបាល់ទាត់នារីរបស់វិទ្យាល័យខ្លួនទេ?

តោះរង់ចាំមើលឆ្នាំក្រោយ!